kotbah partangiangan, Psalmen 111:1-10

1.      Patujolo

Psalmen 111-118 masuk tu horong Mazmur Haleluya manang Psalmen puji-pujian na dipasahat di bagasan las ni roha dohot sikap na optimis di pandonganion ni Debata di bagasan parngoluan ni bangso Israel. Bindu 111 on disusun secara alfabetis di bahasa heber (BHS) dalam bentuk puisi (akrostik puisi) asa boi diingot/dihafal na marisihon pamujian dohot perayaan haluaon sian parhatobanan Misir tu tano Kanaan, tano na niuarihon ni Debata na diuduti tu haluaon sian habuangan Babel. Di karya haluaon I dipatuduhon Debata tung na so mansadi Ibana patupahon parasi ni roha on di ngolu ni na tinompaNa.     

2.      Hatorangan ni turpuk

Ay 1-3 pujionhu ma Jahowa sian na sa rohangku

             Sihol ni roha ni parpsalmen mamuji Debata di latar belakangi parnidaon, panghilalaan dohot panangihononna di pangulaon dohot pambahenan ni Debata di ngolu ni bangso Israel. Perubahan status budak/hatoban di Misir gabe halak na merdeka di tano Kanaan, gabe dasor panindangion ni haporseaon ni halak Israel maradophon Debata. Diuduti muse tu haluaon sian habuangan Babel songon tanda parasi ni roha on dohot holong ni rohaNa tu bangso Israel. Balga ni angka pambahenan ni Jahowa patut do dihalungunhon/diselidiki/dipelajari angka jolma na marlomo ni roha di si (ay 2). Lapatanna, panandaon na tangkas di pambahenan ni Debata mangonjar ganup roha ni angka na porsea laho manghamauliatehon manang manghatindangkon i di ngolu na.

Pangarimangion di pambahenan ni Debata mangonjar roha ni parpsalmen marsitutu mamuji Ibana, baik secara perorangan/pribadi nang di tonga-tonga ni angka partigor dohot di tonga-tonga ni huria/secara umum (ay 1). Ido mambahen parpsalmen manghatindanghon “hamuliaon doot hasangapon do parulaonNa I, …” (ay 3).

Ay 4-6 nunga dipaingot, diparbohali, dipabotohon gogo ni pambahenanNa

Marulak-ulak Debata patandahon dohot patuduhon huasoNa di ngolu ni bangso Israel, marhite 10 tulah na gabe uhuman tu bangso Misir siala so olo paruarhon halak Israel, didongani Debata do nasida tingki di halongonan marhite ombun dohot api na manulu dalan nasida (2 Musa 13:17-21). Dibahen Debata saluhutna I gabe parningotan di ngolu ni halak Israel, songon tanda Debata na paluahon nasida marhite pesta paska (ay 4, bnd. 2 Musa 12:14).  Diparbohali Debata do parngoluan ni angka jolma na manghabiari Ibana, baik kebutuhan secara jasmani (Psalmen 145:15; 2 Musa 16 berupa manna) dan rohani (haluaon sian dosa/hidup yang kekal). Diparbohali Debata bangso i marhite padan na binahenNa (1 Musa 12). Bahkan dipabotohon Ibana do hagogoon dohot huasoNa mangalehon parjambaran ni angka parbegu na martudu-tudu tano Kanaan naung jumolo diingani angka bangso na asing gabe parbagianan ni halak Israel (5 Musa 9:26-29). Panandaon on do na mambahen parpsalmen marpos ni roha mamuji Debata di ngoluna.

Ay 7- 9 uhum dohot hasintongan hot ro di saleleng ni lelengna

Hadirion ni Debata songon mula ni hasintongan dohot uhum dipatuduhon Ibana di pambahenan ni tanganNa. Dipasingot Debata do bangso Israel na lam mandao sian lomo ni roha jala diuhumi do nasida marhite habungan Babel & Asyur, ala so olo paubahon rohana. Hot do hasintongan nang habonaronNa I ro di saleleng ni lelengna. Jala ditongoshon Debata do haluaon tu bangsoNa, Israel songon tanda asi ni roha dohot holong ni rohaNa i. Ala ni I do badia jala songkal do goarNa. Lapatanna, ndang adong be keraguan di ngolu ni angka na porsea maradophon Debata, baik sian hataNa, patikNa, nang padanNa. Ndang adong kecurangan na binahen ni Debata, saluhutna hombar tu uhum nang hasintongan do. Sude angka jolma na olo mangolu hombar tu uhum nang hasintonganNa I dapotan haluaon ro di saleleng ni lelengna marhite Jesus Kristus, AnakNa i. 

Ay 10 biar mida Jahowa do parmulaan ni habisuhon

Dihatindangkon parpsalmen “parmulaan ni habisuhon I ma biar mida Jahowa”, biar mida Jahowa na ni dokna i ma mamparsangapi Debata, mangulahon patikNa na sintong jala na bonar i. Jolma na marbisuk I ma jolma na mambaen lomo ni roha ni Debata, patik ni Debata gabe ojahan ni ngoluna arian nang borngin. Jolma na bisuk i ma jolma na manghasiholi hatigoran, kejujuran dohot holong ni roha.  

3.      Aplikasi

a.       Hitunglah berkat Tuhan dalam hidupmu, karena itu akan menuntun jiwamu kepada keinginan untuk memuji Allah dengan segenap hati. Jolma na tontong mangarimangi pambahenan ni Jahowa di ngoluna, tontu dihasioli I do pamujian tu Debata, baik secara pribadi, dalam keluarga nang di parsaoran ni angka jolma na porsea (parmingguan di huria i).

b.      Haporseai jala pos ma roham tu Debata di bagasan ngolum, ai manontong do pandonganionNa, songon na binahenNa di ngolu ni bangso Israel.

c.       Habiari ma Debata, ulahon ma patikNa asa taruli di habisuhon hita, marhite na manghaholongi hatigoran, kejujuran dohot patuduhon holong ni roha di ngolunta si ganup ari. Tabahen ma Debata gabe prioritas di ngolunta.

KJ. No. 3:1-2